Kärthemen

déi eis wichteg sinn

Ëmwelt

D'Natur, eis Prioritéit

Eis Bëscher an eis Flëss, eis Landschaften an eis Déierewelt ginn et just eemol. Dofir loosst eis se erhalen, fir datt och eis Kanner an Enkelkanner se nach erliewe kënnen. D‘Natur ass eis Liewensgrondlag a bei eis steet se un éischter Stell.

Famill

Et ass Kannerzäit

Doheem ass, wou ee glécklech ass, sou heescht et. An dofir wëlle mir, datt eis Kanner sech iwwerall doheem spieren, datt se gutt Zäit mat der Famill genéissen an och eng gutt Zäit auswäerts erliewe kënnen, an der Schoul, an der Crèche oder am Veräin. Eng gutt Kannerzäit ass eis Prioritéit.

Wunnen

En Doheem fir jiddereen

Do wou mer wunnen, ass de Mëttelpunkt vun eisem Liewen. Hei entstinn déi éischt Frëndschaften, um Wee fir an d’Schoul oder beim Spille virun der Dier. Jiddereen huet d’Recht op en Doheem, an dofir brauche mer bezuelbare Wunnraum an enger lieweger Noperschaft, wou een sech doheem spiert, wou een sech soe kann: jo, hei wëll ech liewen.

Klima

Et gëtt kee Planéit B

De Klimawandel ass eng vun de gréissten Erausfuerderunge vum 21. Joerhonnert. Den zousätzlechen Ausstouss un Zäregase wéi z.B. CO2 duerch mënschlech Aktivitéite verännert d‘Klima vun eisem Planéit, a féiert zu méi Wiederextremer wéi Hëtzt- an Drëcheperioden, Iwwerschwemmungen, Stierm, asw.

Gesond Iessen

100% Bio - Made in Luxembourg

Biologesch, ëmweltschounend a fair schmaacht et net just besser, mä et ass och méi gesond fir eis a fir de Planéit. E liewege Buedem, frësch Loft a proppert Waasser sinn d’Viraussetzunge fir gutt Liewensmëttel, a fir eis eng Prioritéit.

Mobilitéit

Bei gréng geet et virun

Eng Stonn méi laang schlofen? En Tour spadséieren oder lafe goen? Mat de Kanner spillen? Wat géife mer mat der gewonnener Zäit maachen, wa mer moies an owes keng Zäit géifen am Stau verléieren?

Déiereschutz

Konsequenten Déiereschutz

Wéi mir och, sinn Déieren Liewewiesen, déi Gléck an Zefriddenheet, awer och Angscht a Péng spieren kënnen. Dofir maache mir eis staark souwuel fir e würdegen an aartgerechten Ëmgang mat Haus- an Notzdéieren, wéi och fir de Schutz vun de wëllen Déieren an hire Liewensraim.

Transitioun

Ech hunn et selwer gemaach

Wisou eppes nei kafen, wat een och flécken, tauschen, deelen oder souguer selwer hierstelle kann? Transitioun ass méi ewéi eng Liewensastellung. Si gëtt eis Liewensqualitéit, andeems mir eis selwer versuerge kënnen, si gëtt eis Zukunft, well mer eis Ressource schounen, a si gëtt eis Zesummenhalt, well mer eis Kreativitéit an eis Potentialer zesummen ausliewe kënnen.

Wuesstum

Lëtzebuerg weider denken

De Fouss vum Gas huelen an zesummenhalen, wat riskéiert auserneen ze fueren. Op eise Stäerkten opbauen. Eist Land esou plangen, datt mer all gutt liewe kënnen, ouni dobäi eis Ëmwelt ze zerstéieren. Eise Kanner e Land hannerloossen, wou se déi selwecht Chancen hunn an hiert eegent Liewen opbaue kënnen. Do wëlle mer hin, an dat alles geet net mat blannem Wuesstem, mä andeems mer eist Land geziilt weider entwéckelen.

Plastik

Manner Plastik. Méi Liewen

Wa mer sou weider maachen, hu mer am Joer 2050 méi Plastik ewéi Fësch an de Mierer. Pro Joer gi ronn 300 Milliounen Tonne Plastik produzéiert. De gréissten Deel dovu lant dono an der Natur, wou en deels méi wéi 400 Joer brauch fir sech ze zersetzen. Et gëtt Haut scho Plazen op der Welt déi wuertwiertlech am Plastiksknascht ënner ginn.

Gitt Member

Schreift Iech an

Ënnerstëtzt eis

Maacht en don